راز ٹی وی اردو
ایران میں حالیہ سیاسی مسائل نے زندگی کو بہت متاثر کیا ہے۔ کچھ مسائل ان کی عوام کے ذاتی بناۓ گۓ ہیں اور کچھ امریکا ان کو چین سے نہیں رہنے دیتا، انھی کچھ سیاسی مسائل کی وجہ سے پورے ایران میں انٹرنیٹ کی بندش کر دی گئی تھی ہم اپنے گھر والوں اور دوستوں سے قطع تعلق ہو گئے تھے،ہمارے پاس اپنے گھر والوں تک اپنی خبر پہنچانے کا کوئی ذریعہ نہ تھا،انٹرنیشنل کالز تک بند تھی۔ میرا تعاعلق دنیا کی چنت کہلانی والی بد قسمت ریاست جموں کشمیر کے ازاد کشمیر ریجن سے ہے جہاں پاکستان سے تعلق رکھنے متعدد طالبا ت میرے ساتھ ہیں۔ میں ایران میں میڈیکل کی طالبہ ہوں اور آپ سے اپنا تجربہ شئیر کر رہی ہوں جب یہاں کے سیاسی مسائل کی وجہ سے 20 دن تک انٹرنیٹ نہیں تھا۔ یہ ایک ایسا تجربہ تھا جو میں کبھی بھی بھول نہیں سکتی۔ ہم اپنے گھر والوں اور دوستوں سے قطع تعلق ہو گئے تھے۔ ہاسٹل میں پھنسے ہوئے تھے اور ہمیں باہر جانے کی اجازت نہیں تھی۔ ہمارے پاس کرنے کو کچھ نہیں تھا۔ ہم پڑھائی تو کر سکتے تھے لیکن اس وقت کی تناؤ اور تشویش میں ہمارا ذہن پڑھائی پر توجہ نہیں دے سکتا تھا۔ ہم صرف دعا کرتے رہے اور اس تشویش صورتحال کو بہت مشکل سے گزارا۔
اس تجربے نے مجھے زندگی کی حقیقت کا احساس دلایا۔ جب ہمارے پاس بنیادی سہولیات نہیں ہوتیں تو زندگی کتنی مشکل ہو جاتی ہے۔ اس نے مجھے صبر اور شکر کی اہمیت بھی سمجھائی۔ میں نے سیکھا کہ زندگی میں ہر مشکل کا حل ہوتا ہے اور ہمیں ہر حال میں مثبت رہنا چاہیے۔
ان 20 دنوں میں، مجھے اپنے آپ کو بہتر طریقے سے جاننے کا موقع ملا۔ میں نے اپنی سہیلیوں، ہمکلاس طالبعلموں کے ساتھ وقت گزارا، گیمز کھیلے، اور کچھ نئی کتابیں پڑھیں۔ یہ ایک ایسا وقت تھا جب ہم نے ایک دوسرے کے ساتھ گہرے تعلقات بنائے اور ایک دوسرے کی مدد کی۔
ایران اور اسرائیل کے درمیان تنازعہ اور امریکہ کی طرف سے ایران کو جنگ کی دھمکیاں دینے کا اثر ہم مڈیکل انٹرنیشنل اسٹوڈنٹس پر بہت زیادہ پڑ رہا ہے۔
گذشتہ سال اسرائیل اور ایران کے درمیان جنگ نے ایران میں پڑھنے والے مڈیکل اسٹوڈنٹس کو بہت متاثر کیا۔
اب، امریکہ کی طرف سے ایران کو جنگ کی دھمکیاں دینے سے ہمارے مستقبل کے بارے میں تشویش پیدا ہو رہی ہے۔ اگر جنگ ہوتی ہے تو ہمارے لیے پڑھائی جاری رکھنا بہت مشکل ہو جائے گا اس تنازعہ اور جنگ کی دھمکیوں کا اثر ہمارے ذہنی صحت پر بھی بہت پڑ رہا ہے۔ ہم مڈیکل انٹرنیشنل اسٹوڈنٹس کو اپنے مستقبل کے بارے میں تشویش اور ڈپریشن کا سامنا ہے۔ ہمارے لیے یہ بہت مشکل ہے کہ ہم اپنے گھر والوں سے دور ہیں اور ان کی سلامتی کے بارے میں فکر مند ہیں۔
لیکن اس مشکل وقت میں بھی، ہم اپنے ایمان اور اللہ پر بھروسہ رکھتے ہیں۔ ہم جانتے ہیں کہ اللہ سب سے بہتر حکمت والا ہے اور وہ ہمارے لیے بہترین فیصلہ کرے گا۔ ہم اپنے آپ کو تسلی دیتے ہیں کہ یہ مشکل وقت بھی گزر جائے گا اور ہم اپنے مقاصد کو حاصل کریں گے۔
ہم اپنے آپ کو یاد دلاتے ہیں کہ ہم مڈیکل اسٹوڈنٹس ہیں اور ہمارا مقصد لوگوں کی خدمت کرنا ہے۔ ہم اپنے ایمان اور امید کو قائم رکھتے ہیں اور اپنے مستقبل کے بارے میں مثبت سوچتے ہیں۔ میں امید کرتی ہوں کہ دونوں ملکوں کے درمیان تنازعہ حل ہو جائے اور ہم اپنے مستقبل کے بارے میں مطمئن ہو سکیں۔
