راز ٹی وی اردو
لاہور (نمائندہ خصوصی)بزمِ انجم رُومانی کے زیر اہتمام معروف مصنف، محقق فلم نگار سید امتیاز علی تاج کی 53ویں برسی پر انکی یاد میں سیمینارکا انعقاد الحمراء میں کیا گیا جس کی صدارت معروف اداکار و ڈرامہ نگار دامادِ سید امتیاز علی تاج نعیم طاہر نے کی تیلی وژن پروڈیوسر قرۃ العین علی نے تلاوتِ کلامِ پاک سے حاضرین کے قلوب کو معطر کیا اور معروف اداکار عثمان پیرازہ، ممتاز مصنف اصغر ندیم سید، سابق ایگزیکٹو ڈائریکٹر الحمراء ذولفقار زلفی،سید امتیاز علی تاج کی زندگی پر برسوں ریسرچ کرنے والے بین الاقوامی سکالر ڈاکٹر سلیم ملک ، کالم نگار منصور آفاق، نوجوان سکالرڈاکٹر ارسلان راتھوڑ نے اظہارِ خیال کیا ڈاکٹر فرزانہ ریاض نے نظامت کے فرائض سر انجام دیے۔شاعر فراست بخاری نے منظوم خراجِ تحسین پیش کیا۔ذولفقار زلفی کا کہنا تھا جب جب الحمراء بطور ادارہ دیکھا جائے گا امتیاز تاج یاد آئے گا امتیاز تاج ایک بڑے آدمی تھے۔منصور آفاق نے تاج صاحب اور مجلسِ ترقی ادب کے تعلق پر بات کرتے ہوئے کہا کہ میں جب مجلس ترقی ادب کا چیئرمین بنا تو دیکھا کہ پچھلے بیس سالوں میں کیا ہوا تو پتا چلا بیس کتابیں اس سے پہلے بیس سال میں تیس کتابیں جبکہ تاج صاحب نے اپنے دور میں تین سو سے زائد کتابیں چھاپیں اصغر ندیم سید کا کہنا تھا کہ میرا یہ تعارف ہی ہے میں نے بیس سال انار کلی گورنمنٹ کالج یونیورسٹی میں پڑھائی ہے اور یہ مشکل مرحلہ ہے کیونکہ میں سمجھتا ہوں انار کلی تو ہاتھ نہیں لگانے دیتی تاج صاحب کے جنازے پر انتظار حسین نے کالم لکھا کہ جس سے امتیاز علی تاج کے بچھڑ جانے سے لاہور کتنا اداس تھا
عثمان پیرزادہ کا کہنا تھا آج ہم الحمراء میں بیٹھے ہیں یہ تاج صاحب کی خدمات کا نتیجہ ہے ہمیں اُنکی مشن کو لے کر چلنا چاہیے اور اچھی بات ہے فیملی اِس مشن کو لے کر چل رہی ہے صدرِ تقریب نعیم طاہر کا کہنا تھا میں تمام شرکاء کا شکر گزار ہوں کہ آپ تاج صاحب کو یاد کرنے پہنچے کاش ایسے لوگ پیدا ہو سکیں جو اس خطے کی تہذیب و روایات کو زندہ رکھ سکیں ہم نے گورنمنٹ کالج میں ارد و ڈرامہ کرنے کی تحریک چلائی اور کامیابی بھی ملی ہم نے ڈرامہ کیا بھی اور ڈرامہ میں تاج صاحب کا بڑا کردار ہے بزمِ انجم رُومانی کے صدر ڈاکٹر ابرار نے مہمانوں اور شرکاء کا شکریہ ادا کیا برسی کے مرکزی منتظمین میں علی طاہر، سید شہزادروشن گیلانی اور قرۃ العین علی تھے۔برسی میں علمی ادبی حلقوں کی بڑی تعداد نے شرکت کی۔فائقہ ، فوزیہ بدر ، کاشف مغل ، امر جالب اور عمر ریاض خصوصی طور پر شریک ہوئے۔۔
