راز ٹی وی اردو
منڈی بہاؤالدین(رانا علی زوہیب): سینٹر فار پیس اینڈ ڈیولپمنٹ انیشیٹوز (CPDI) نے سینیٹری ورکرز کے لیے پیشہ ورانہ حفاظتی طریقہ کار کے بارے میں ایک روزہ تربیتی سیشن کا انعقاد کیا اور MC میٹنگ ھال میں سینیٹری انسپکٹر، سینیٹری ورکرز اور سیوریج مینوں میں PPE کٹس بھی تقسیم کیں۔ جی آئی زیڈ کے سپورٹ ٹو لوکل گورننس پروگرام (لوگو II) پروجیکٹ "پنجاب اور خیبر پختونخواہ میں موثر عوامی خدمات کی فراہمی کے لیے مقامی حکومتوں کو مضبوط بنانا” ہے۔ اس تربیتی سیشن کا مقصد سینیٹری ورکرز کے کیڈرز کی محفوظ اور موثر طریقے سے کام کرنے کی صلاحیت کو فروغ دینا ہے۔ ٹریننگ میں میونسپل کمیٹی منڈی بہاؤالدین کے 30 میونسپل سینٹری ورکرز نے حصہ لیا۔ پی پی ای کٹس کی تربیت اور تقسیم کے دوران ان کا نگران عملہ بھی موجود تھا۔
جناب احمد وقار، چیف آفیسر میونسپل منڈی بہاؤالدین نے اپنی ٹیم کے لیے اس تقریب کا اہتمام کرنے پر CPDI اور GiZ کا شکریہ ادا کیا۔ انہوں نے اپنی ٹیم کے ممبر کو بھی مشورہ دیا کہ وہ سیشنز میں سرگرمی سے حصہ لیں اور اس علم اور سیکھنے کو دوسرے ساتھیوں کے ساتھ بھی شیئر کریں۔ سی پی ڈی آئی کے پراجیکٹ مینیجر معظم علی جنجوعہ نے ایم سی افسران اور دیگر متعلقہ عملے کی فعال شرکت کو سراہا اور انہوں نے چیف آفیسر میونسپل منڈی بہاؤالدین کی گراں قدر شرکت پر شکریہ بھی ادا کیا۔
تقریب میں، ٹریننگ کے سہولت کار، جناب محمد اسماعیل نے تربیت پر دسترس دی اور صفائی کی تعریف، اقسام، صحت اور حفاظت کے اقدامات، اور PPE کٹس کے استعمال کے بارے میں عملی مظاہرہ کے بارے میں تفصیل سے بتایا۔ انہوں نے سینٹری ورکرز کے کردار کی اہمیت اور شہر کو صاف ستھرا رکھنے کے لیے فرنٹ لائن سپاہی کے طور پر ان کی نمایاں شراکت پر بھی زور دیا۔ سیشن کے اختتام پر چیف آفیسر اور پراجیکٹ منیجر سی پی ڈی آئی نے شرکاء میں کٹس تقسیم کیں۔
