راز ٹی وی اردو
لاہور (رانا علی زوہیب) صحافی محسن بیگ کی گرفتاری پر ردعمل دیتے ہوئے مسلم لیگ ن کی رہنما مریم نواز نے حکومت کو آڑھے ہاتھوں لیا.
اپنے ٹویٹ میں وزیراعظم عمران خان کو مخاطب کرتے ہوئے مریم نواز کا کہنا تھا کہ "آپ کوئی آسمان سے اتری مخلوق نہیں جس کی شان میں گستاخی کرنے پر شہریوں کے گھروں پر دھاوا بولا جائے گا اور انکو سلاخوں کے پیچھے پھینکا جائے گا۔ آپ کی اہلیہ کا جو احترام ہے وہی میری ICU میں بیہوش پڑی والدہ کا ہونا چاہیے تھا ، مخالفین کی بہنوں اور بیٹیوں کا ہونا چاہیے تھا. عاصمہ شیرازی،ثناء بچہ اور غریدہ فاروقی کا ہونا چاہیے تھا مگر اس وقت آپ نا صرف خود اس گندے کھیل میں شامل تھے بلکہ اپنے جاہل وزرا کا حوصلہ بڑھاتے تھے”۔
عاصمہ شیرازی،ثناء بچہ اور غریدہ فاروقی کا ہونا چاہیے تھا مگر اس وقت آپ نا صرف خود اس گندے کھیل میں شامل تھے بلکہ اپنے جاہل وزرا کا حوصلہ بڑھاتے تھے۔اقتدار جب ہاتھ سے نکلنے لگتا ہے تو آپ جیسے انسانوں کا خوف اسی طرح سامنے آتا ہے۔آپ کی حرکتیں دیکھ کر مشرف کے آخری ایام یاد آ جاتے ہیں https://t.co/c5akHlYb4x
— Maryam Nawaz Sharif (@MaryamNSharif) February 16, 2022
انکا مزید کہنا تھا کہ اقتدار جب ہاتھ سے نکلنے لگتا ہے تو آپ جیسے انسانوں کا خوف اسی طرح سامنے آتا ہے۔آپ کی حرکتیں دیکھ کر مشرف کے آخری ایام یاد آ جاتے ہیں.
انکا مزید کہنا تھا کہ وقت کا پہیہ گھوم چکا ہے۔عمران خان صاحب!آپ جتنی بھی ریاستی طاقت استعمال کر لیں، آپ اپنے آپ کو نہیں بچا سکتے۔ آپ کے جرائم کی فہرست میں اپنے مخالفین سے انتقام لینا ہی نہیں، FIA جیسے قومی اور ریاستی اداروں کو اپنے ذاتی سکورسیٹل کرنے کیے استعمال کرنا بھی شامل ہے۔ حساب تو دینا ہو گا!
وقت کا پہیہ گھوم چکا ہے۔عمران خان صاحب!آپ جتنی بھی ریاستی طاقت استعمال کر لیں، آپ اپنے آپ کو نہیں بچا سکتے۔ آپ کے جرائم کی فہرست میں اپنے مخالفین سے انتقام لینا ہی نہیں، FIA جیسے قومی اور ریاستی اداروں کو اپنے ذاتی سکورسیٹل کرنے کیے استعمال کرنا بھی شامل ہے۔ حساب تو دینا ہو گا!
— Maryam Nawaz Sharif (@MaryamNSharif) February 16, 2022
دوسری جانب تحریک انصاف کی رہنما عالیہ حمزہ نے خاتون اول کے خلاف میڈیا پروپیگنڈے سے متعلق پیمرا میں درخواست جمع کرادی۔ درخواست میں کہا گیا کہ میڈیا اور سوشل میڈیا پر خاتون اول کی تضحیک دیکھ کر افسوس ہوا، پاکستانی میڈیا کا پروپیگنڈا بھارتی ٹی وی چینلزنےبھی بریکنگ نیوزبناکر چلایا۔
عالیہ حمزہ نے استدعا کی کہ نجم سیٹھی اور ان کے اخبار سے وضاحت لی جائے۔
دوسری جانب وزیراعظم عمران خان، خاتون اول، حکومتی شخصیات اور اداروں کے خلاف سوشل میڈیا پر پروپیگنڈا والے افراد کے خلاف ایف آئی اے نے کارروائیاں تیز کر دیں۔
