راز ٹی وی اردو
اسلام آباد : پولیس نے تھانہ گولڑہ کی حدود میں لڑکی اورلڑکے کی برہنہ وڈیو بنا کر بلیک میل کرنے کے واقعے کا مقدمہ درج کرکے مرکزی ملزم عثمان سمیت تین ملزمان کو گرفتار کرلیا۔
آے آر وائی نیوز کے مطابق اسلام آباد میں لڑکااورلڑکی کوبلیک میل کرنے کی ویڈیوز منظرعام پرآگئیں، سوشل میڈیا متاثرین کی آوازبنا تو پولیس ایکشن میں آگئی۔
ویڈیوز سامنے آتے ہی گولڑہ پولیس نے مرکزی ملزم عثمان اوراس کے ساتھی فرحان اور عطاالرحمان کو گرفتار کرکے سرکار کی مدعیت میں مقدمہ درج کرلیا، مقدمہ اسلام آباد پولیس کے سب انسپکٹر کی مدعیت میں درج کیا گیا، ایف آئی آر کے مطابق واقع ای الیون ٹو میں واقع اپارٹمنٹس میں پیش آیا۔
پولیس نے لڑکی اور لڑکے پر تشدد کی ویڈیو سوشل میڈیا پر دیکھی، ویڈیو میں دیکھا جا سکتا ہے کہ 5 سے 6 افراد نے لڑکی اور لڑکے کو اسلحہ کے زور پر حبس بیجا میں رکھا جبکہ ملزمان نے لڑکی کو برہنہ کرکے دھمکیاں بھی دیں۔
ایف آئی آر کے مطابق ملزمان کو لڑکی اور لڑکے پر تشدد کرتے بھی دیکھا جا سکتا ہے،جس کے بعد پولیس نے مرکزی ملزم عثمان سمیت فرحان اور عطاالرحمان کو گرفتار کر لیا ہے، پولیس نے بتایا کہ مرکزی ملزم عثمان پیسوں کیلئےبلیک میل کررہاتھا۔
ڈی سی حمزہ شفقات اسلام آباد کا کہنا ہے کہ دیگرملزمان کی گرفتاری کیلئے چھاپےجاری ہیں تاہم متاثرین کی جانب سے کوئی شکایت درج نہیں کروائی گئی ، عثمان مرزا گاڑیوں اور پراپرٹی ڈیلر کا کام کرتا ہے۔
