لاہور (پ ر ) یوم کشمیر کے حوالے سے صدر لبرلینڈ وٹ جڈلیکا نے پاکستانی قونصلیٹ میں ویڈیو لنک کے زریعے خطاب کیا۔ انکا کا کہنا تھا کہ مسئلہ کشمیر کے حل کے لیے اقوام متحدہ کو فعال کردار ادا کرنا ہوگا۔ مقبوضہ جموں کشمیر میں انسانی حقوق کی خلاف ورزیاں قابل مذمت ہیں ۔
اپنے خطاب میں قونصل جنرل پاکستان فیصل بٹ کا کہنا تھا کہ مسئلہ کشمیر پر پاکستان کو سفارتی سطح پر مزید کوششوں کی ضرورت ہے ۔ انکا کہنا تھا کہ لبرلینڈ آزادی پر یقین رکھتا ہے ۔ کشمیریوں کو آزادی کا حق دیا جانا چاہیے۔ آزادی کی خاطر کشمیریوں کی قربانیوں کو قدر کی نگاہ سے دیکھتے ہیں۔ اسٹیٹ سیکرٹری لبرلینڈ ڈاکٹر طارق عباسی کا کہنا تھا کہ وزیراعظم عمران خان کو عالمی سطح پر کشمیر کا معاملہ بہتر انداز میں اٹھانے کی ضرورت ہے۔ انکا کہنا تھا کہ عالمی برادری عمران خان کو سنتی اور بات مانتی بھی ہے ۔ اقوام متحدہ کو کشمیر کا مسئلہ اپنی قرار دادوں کے مطابق حل کرنا چاہیے۔